更年期養生法-通膽經 + 食療(五)

第二就係陰不足以比陽去安居,頭先我講過啦,陽氣入唔番,會係本身陽氣虛弱無力番入陰位,但亦有可能係陰位出現問題。另外呢,係冬天應該食番d阿膠, 花膠, 海參 之類養陰之品喇, 陰精就好似屋企咁樣,你要佢陽氣番屋企喇, 你都要個屋企乾淨,安全先得嘛, 間屋溶溶爛爛既, 危樓咁既, 你叫樣氣點樣番,係咪? 所以陰虛既人容易火旺,去睇中醫,話你陰虛火旺,

 

其實就係d陽氣留左係外面, 所以哩個時候就要滋陰,要養血, 好似冬天大掃除咁, 執番靚間屋, 等陽氣可以回來安居棲息,就好似做妻子既將頭家打埋得井井有條,丈夫係外面工作完辛苦回到家,感覺舒適安逸,咁既家庭就會融冾,就會和陸,哩個係夫妻之道,亦係陰陽之道, 所以我地就要抓緊係冬天進食一d養陰之品,

 

好似阿膠, 花膠, 海參 之類都係良好既滋陰食品,當然首先係膽經功能好啦,唔係食落去就會肚脹脹,滯住哂架喇, 喇, 海參就係最好既, 有條件既刺參就一樓喇,但係佢製作起上比較難搞, 又係貴呀, 但佢既養陰既作用真係數一數二 , 將發好既海參切片煲紅糖黑豆整糖水就臨睡前食就最正喇,真係陰虛既,食一兩就會睡到咕咕聲,好舒服架。想長期食,又經濟呢, 一就食花膠,好多人都識整,我就唔多講喇, 另一個就係食阿膠喇,

 

阿膠係出名養陰厲害架,所謂陰不足者,補之以味, 阿膠氣味重,所以養陰功能特別強, 現代藥理學表明呀,阿膠成份有助促進鈣既吸收功能, 特別係中年過後食就更好喇,加埋冬天食就更好, 你可以買叫葯店打粉,番煮下佢,或者係放落粥到食,每日食少少 , 效果會慢慢見到, 最好既服用時間以立冬——立春之間, 感冒期間暫停服用,大家購買阿膠就要注意喇,一係就唔食,一食就要好既阿膠,因為傳統既加工方法才是最好架,

 

上好既阿膠,係用烏之皮,加東阿之水熬制8日,期間還要加黃酒去,加冰糖去味,加豆油防粘等等,係雖要極特殊既工藝架, 尤其珍貴既係東阿之水,只有係東阿縣地下才有,用哩d水製作出的皮膠方能稱為阿膠,講真,真係按傳統方法做既阿膠少之又少喇,哩個係題外話.

咁其實有好多湯水之類既,不過我想大家都聽過好多,所以我今日講既都係係一D比較理論性既,概念性既問題,所謂方法方法,有方之前必先有法,先立法,後處方,咁樣去處理問題就會比較正接有效,其實中醫為左營合人既口味經己降格左好多,出親講野都要同湯水掛勾,好似變左方太生活廣場咁,其實中醫最有力既治病武器依然係背後既陰陽理論學說同中藥,

其實今日講既野可以話係面對更年期既方法,亦可以講係養生既方法, 持之以恆的話,相信美好既退休生活我地係指日可待既,多謝各位

方1: 蒸百合枸杞

[原料]百合150克,枸杞子100克,蜂蜜適量.

[用法]將百合,杞子加蜂蜜拌勻,同蒸至百合爛熟.每晚臨睡前食用50克.

[功效]補腎養血,清熱除煩,寧心安神.適用於更年期綜合徵.

方二:大棗銀耳湯

[原料]:大棗60克,銀耳20克,白糖適量.

[用法]:將大棗洗淨,去核;銀耳用溫水泡發,洗淨,撕成小片塊,備用.鍋內加水適量,放入大棗,大火燒沸,改用文火煮10分鐘,加入銀耳,再煮2~3分鐘,調內白糖即成.每日1劑,連服10~15天.

[功效]:大棗補中氣,健脾養胃,養血安神;銀耳滋陰清熱,益氣和血,強心補腦.二者合而為湯,可奏滋陰潤燥,養血安神之效.適用於更年期綜合徵之陰虛火旺,心煩內燥,潮熱盜汗,心悸,失眠等.

方三:枸杞蓮茶

[原料]:枸杞子10克,白菊花,苦丁茶各3克,蓮心1克.

[用法]:上四味同放入杯中,用沸水沖泡,加蓋悶10分鐘,即可關始當茶頻頻飲用.一般可沖泡3~5杯.

[功效]:滋陰清熱,養肝益腎.主更年期綜合徵,月經不調,頭暈失眠,腰膝酸軟,五心煩熱,急躁易怒,口乾苦燥,舌紅少苔.

 


更年期養生法-通膽經 + 食療(四)

另外一個更年期時常出現既問題就係眼矇喇,女人要做一個精明既女人,上左年紀既女人就更需要一對明亮既眼睛,管好盤數,管好家事,管好丈夫,但年紀大,慢慢視力會出現下降,做起事上來就更加力不從手喇.咁夠竟眼既問題同髒腑有乜關係呢,中醫認為, 髒腑因為其重要性被包在裡面,保護得很好,但其亦有一個奇妙的方法同外界溝通,就係竅門,人身有九竅,而目就為肝之竅,肝開竅於木,好多時肝的生理功能正常與否,好大程度影響眼睛視力的穩定性,如肝火盛,就會火遮眼啦,肝陰不足會令視力減退,白內障,老年性黃斑病變等等,而女性就最容易肝郁氣滯,所以就會容易影響眼睛功能,有一個保健方法,

防白內障護眼操—共10式

1. 雙手平碰36次

2. 屈拇指平碰36次

3. 握拳擊手心36次,反方向36次

4. 握拳向下擊36次,反位擊36次(擊手背)

5. 握拳平碰36次

6. 握拳向下擊36次,反位擊36次(擊拳頭)

7. 平伸手交叉擊36次

8. 雙手遮眼,眼珠由左轉圈圈向右36次,反方向36次

9. 雙手各拉耳珠36次

10. 梅花間竹手叉手36次

每日做3次,至少做2次,2個月顯效, 貴在堅持

係食物方面,唔好信乜野藍,其實最好既係就係食杞子喇,多食杞子可以明目,但有D人怕佢會引動肝火,易燥,我地可以先將佢隔水蒸熟,然後哂致8成乾,再加蜜糖拌勻,炮製好,放入雪櫃,每日食廿粒,可以養肝明目,小朋友都鐘意食。內外兼治,包掂

失眠既問題亦都值得好好去重視架,其實中醫認為失眠有外部問題同內部問題, 外部問題卻是極常見的問題, 我們的睡眠是由睡眠中樞來支配的,睡眠中樞屬低中樞,高級中樞在大腦,那低級中樞在哪裡呢,在脊髓, 主要是在胸椎段, 假若胸椎力學失衡, 神經就會受到壓迫,就會興奮睡眠中樞興奮就會如何呢,就會睡不著了,為何有些人平臥睡不著,側身才睡得著,睡著睡不著,坐著卻睡得著,就是因為原本有問題的節段在受壓的情況下更易興奮的原固,有些人認為側睡也可以,無傷大雅,其實這個很嚴重的,你看你手臂有多幼,你的身體有多重,這麼大的身軀壓著這麼少的手臂上,每晚如是, 慢慢就會出現肩周炎了,所以手的問題,肩周炎啦,痺啦痛啦,都是側身睡造成的,不可不知呀, 但係由於哩個問題既機制牽涉到脊柱問題,比較複雜,對脊骨冇認識既係比較難難解釋,所以這暫且不談。

咁關於內部問題呢,就可以探討下,所謂人法地,地法天,天法道,道法自然,人同自然既關係係息息相關,非常密切既,人要順應自然,才能夠活得好,活得長久,講明白點就是同自然同步,自然要升,你就升,自然要降,你就降,我地要跟得上自然既規律,人先會健康,

咁我地點先知道自己跟唔跟得上呢,好簡單,就是沒反應喇,沒反應就是跟得上轉變,如果有反應,就係你跟唔上喇,比如上左年紀作風濕啦,轉天氣氣管敏感,鼻敏感喇,好似以前從來都唔會皮膚癢既,哩兩年出現皮膚癢啦,其實都係身體跟唔上自然的最典型表現,其實自然界生長收藏,陽氣既升發,肅降,係人體亦都會跟住做,古人日出而作,日入而息,其實就係順應自然的做法,

日出喇,陽氣升發,生機勃勃,動力十足,人的氣血能量亦隨之被啟動,可以工作生活,到日落,太陽下山了,陽氣要收藏了,人體入面陽氣亦隨之進入收藏休息既狀態,人就會入睡,所以睡眠的良好與否,同陽氣的收藏是否到位有密切關系,再者,在人的一生來說,亦可以看成陽氣生長收藏的一個大循環,在發育時期就等於陽氣既生長,

更年期,老年後就是陽氣的收藏狀態了,如果外面太陽都落山喇,而你身體裡面既太陽就唔識得落山,咁就出現乜野後果呢,失眠囉,陽浮於外,唔能夠潛藏就會出現潮熱,盜汗囉,所以其實從陰陽既角度去睇更年期,其實都係陰陽轉化機制出現問題所致既。

陽不入陰有兩種情況,第一樣就係陽虛喇,而陽虛主要係受寒邪既侵襲所致的,或者係內寒好重,陽氣根本就無力歸位,哩個時候就要扶陽喇,當然啦,陽虛嚴重就只有靠中葯去幫忙喇,但係其實都有D自保方法既,第一個就係防止外寒喇,寒氣,頭先講過,其實係耗損陽氣既重要原因。就寒哩樣野幾乎係無處不在架,

特別係現代社會,就更多喇, 點解咁講呀, 周圍都係冷氣, 哩d人工製造既寒氣比天然的寒邪更厲害呀,陽氣就最怕寒邪架喇,陽係真火大家都知, 火最怕係乜野呀, 冷水囉, 一盆冷水潑,乜火都熄啦, 以前古人最注重就係冬天防寒保暖,目的就係一來防止寒氣入侵,傷到陽氣,傷到生命既根,二來係人為地幫助陽氣做保暖哩份工作,等陽氣可以無後顧之擾地休養生息,補充之前的耗損,

現代人著多件衫都覺得身體線條唔夠靚,寧願凍到震都唔肯加多件衫,咁既時候寒邪就好容易傷到陽氣喇,哩個問題係夏天更容易發生,而且問題係前所未有咁大 ,點解呀,以前冷氣無咁盛行架,今時今日就唔同囉,搵個冇冷氣既地方仲難過搵個有冷氣既地方,夏天個個都穿得d咁多,係冷氣地方出出入入,特別係老人家就好容易中招架,所以我建議大家無時無刻都有條頸巾或披肩係身就最好喇。

第二個就係袪除內寒喇, 其中一個重點要提出既,就係吃薑喇,吃薑文化一直可以追溯到春秋時代,第一個明文記載食姜既就係大學問家孔子喇,係論語入面佢既弟子記載住佢既飲食生活,其中有一句話叫不徹姜食不多食,意思係乜呢,徹就係徹離,徹掉既意思,解作每一均不能不用姜煮食,但係又唔能夠食得多

姜係溫陽既上品葯,佢一方面可以運轉脾胃既陽氣,促進消化,二來可以袪除食物原有既寒邪。所以我地煮野食要落姜,特別係煮菜, 一定要落姜去袪除佢既寒氣。菜普遍都係涼架,所以身體弱既人啦,女人啦,老人家啦,就少飲d菜湯喇。

就咁煮送落姜當然唔夠直接食好啦,但就咁食又唔好食,所以我建議大家煲姜醋食,一家大細都可以食,每日食小小既一舊,咁樣對身體就好好喇,唔識煲既就可以去買啦。


更年期養生法-通膽經 + 食療(三)

而要渡過更年期,最重要既就係調節心情,但係叫你自己去控制情緒,有幾多個可以做到呀?, 但係透過女人三寶: 編織、嘮叨、八掛亦,係不知不覺間你就能做到心情舒暢,所以大家不防去多利哩D天生既專利,適當咁利用,對渡過更年期會發揮到重要作用

仲有一點好重要既,就係莫生氣喇,好多人都知成日激氣對身體唔好,但係點樣唔好呢,就冇人知,我想簡單講下,生氣,顧名思義係生出一d氣出,原來人一發怒,真係會係體內產生向上沖既氣,所以就叫生氣喇,

不單止人會生氣,動物都會生氣,動物生氣之後接住就係打鬥喇,所以呢,生氣其實就係打鬥之前身體既準備動作,身體透過生氣調整內分泌,令到身體達到打鬥時既最佳狀態喇,

動物既生氣有d似一個國家的備戰一樣,當一個國家面臨戰爭威脅既時候呢,會立即進行備戰,將大量既資源投入戰爭既準備當中,一旦戰爭威脅消失,哩d投入既資源多會變成癈物,就好似前蘇聯解體之後,佢必需花費大量人力物力去處理各種州際導彈呀,坦克一樣

身體亦都係一樣,生氣既時候,身體會投放大量資源進行調整,等身體進入備戰狀態,準備應付接落既戰鬥,一旦生完氣,狀況消失,哩d調整既資源就變哂癈物,必須要排出體外,或者又花費大量能量去將d資源變番轉頭,其實此舉係非常浪漫身體既血氣能量架(講到底都係浪費我地既陽氣)係好唔值得架,所以有人講生氣就係用別人既過錯來懲罰自己,你地下哩句說話, 有時氣機唔暢仲有一個好重要既原因,就係肝經不通, 中醫認為,肝主疏泄架,尤其係氣既疏泄,如果經絡唔通,往往會出現脾氣暴躁,反之出現抑鬱,兩脅或房會脹痛不適,可以有一個方法幫助疏通經絡,就係刨肝經喇,沖涼既時候,加d皂液,沿住兩側用雙拳去刨佢,開始時會比較痛,唔怕架,痛則不通, 刨到唔痛,經絡就會通喇,有時仲會出瘀血或者血痧,都係一d病理產物,好有用,大家番去試下

係更年期既時候呢,好多時都會容易脾氣暴躁架,咁隨左要學識利用女人三寶,莫生氣,刨肝經等之外呢,就要識得調養喇

由於女人天生體質就比較弱,所以調養就變得非常重要喇,而調養得好,唔單止身體會好,仲會靜d tim, 愛美係女人既天性,而要真正發自內在既漂亮,就要健健既身體了

俗語所云女人唔補好易老,係哩句說話既驅使下,好多女性會不惜工本咁買一堆補品進補,以為食幾多就等於吸收幾多,但你又知唔知,營養入到身體裡面吸收得好唔好,好取決於膽經功能既正常與否,如果你既膽經功能唔好,就會導致你吸收能力低下,吃左都吸吸收唔到,係哩種情形低下,你食再好既補品都冇乜大作用…所以首先就要令膽經功能旺盛,進而再進補,有一個好簡單有效既方法就係敲膽經喇, 坐係到,用雙手敲打大腿正外側既膽經段,找出四至五點,反覆來回敲打(起止點),不單止可以強化吸收功能,由於膽經支配膽汁分泌,而膽汁又係消化脂肪的重要工具,所以每日膽經敲一敲,身型唔會似肥貓

講到肥,肥胖係女人既大忌,更加係更年期一個標誌,就好似人地成日講既中年發福就係咁喇,

其實大家有個錯覺以為肥胖係吸收得太多,我同你講,肥胖唔係吸收得多,而係排泄得少呀,點解中年過後特別容易肥呢,如果你話佢係吸收得多,即係能量多啦,你可以將佢同d後生比下,邊個好力d,又有人講好易肥,飲水,唔食野都會肥, 食d咁多野都肥,如果話肥胖係能量吸收過盛的話,你都冇食野落,咁能量係邊到呢, 所以哩個理論唔正確架,其實肥胖就係因為身體陽氣虛弱,氣血水平差,身體唔能夠排走多如既垃圾,垃圾堆積起來,就會變成聚肉喇,哩個先係肥胖既主要原因,運動之所以減到肥, 就係透過運動,身體既陽氣可以流暢咁運行周身,做好佢清道夫既工作, 哩個排泄工能係身體自己做先得bor,唔係你用人為去幫佢排bor,食d藥落去痾一大,咁樣既排毒就係有用既同無用既一齊排,重死多兩錢重,依家個d纖體,話減得好快

不過你只係注重佢既體重,你冇注意佢既體積,垃圾比例,其實佢只係用左d辦法將你身上既垃圾脫水,你就以為瘦左好多囉,其實氣血水平一直處於低下,陽氣一直虛弱,身體清潔,排毒機制並冇好到,到之後水份補充好落,又反彈,仲肥過以前,哩個問題既根本就係對肥胖既認識唔正確導致既,咁大家思考下喇, 其實好多常見既中年問題,例如頭發白,脂肪肝,肺唔好,肥胖,屁股,大腿冗肉多,手臂既拜拜肉又多呀…都係同膽經功能差有既, 加上現代人喜食寒涼葯,生冷食物,寒邪一方面傷左陽氣,一方面又積係體內,氣血運行得差,身體冇足夠既能量去行排毒機制,因為女性氣血水平都偏低,所以就更難修復喇,所以女人一般都比男人肥D既,所以對於上左年紀既女性,就更應搞膽經.


更年期養生法-通膽經 + 食療(二)

咁中醫係點去認識更年期架,

咁其實中醫係2千幾年前就對更年期十分關注喇:中醫經典黃帝內經,素問,上古天真論入面就有咁既描述,七七,任脈虛,太沖脈衰少,天癸竭,地道不通,故形壞而無子也。七七四十九,女人去到四十九歲左右,任脈就會虛損,太沖脈衰少,促進我地生長發育的必需物質天癸就會乾竭,地道就會閉塞不通,所以生殖功能亦會消失喇。咁我地古人很早以前經已對更年期既年齡啦,新體既變化啦,同影響啦都用有比較精闢既研究喇,所以以中醫既角度去認更年期啦,係有一定既好處.

我簡單講下更年期身體上的一d變化先:機體由強壯逐漸趨向衰老,各種內分泌功能失去平衡,婦女卵巢功能由不穩定到明顯減退,表現為月經不規律到絕經等變化。各個內臟器官的功能逐漸地減退,神經系統功能也不例外地出現了弱化。不少人的心理狀態也有所變化,比如有的人想到前半生大好時光已過,結果是碌碌無為,往後的日子將會更加黯淡無望。加上子女長大成人, 離家獨立,而自己又退休在家,無所事事,一種無可言狀的孤獨感油然而生,以致心灰意懶,沮喪悲傷。在這些生理和心理變化的基礎上,有些人會出現精神上的異常。在早期常有類似“神經衰弱”的表現,如失眠、多夢、頭昏、健忘、情緒不穩、容易急躁等癥狀,而最為突出的是身上一陣陣地發熱、多汗、心悸、氣短、食慾減退、腹脹、月經紊亂、肥胖、力不從心、性功能障礙等,這被稱為更年期綜合徵。

更年期係一定要過既,但以上既變化容唔容易順利咁過渡到呢?並唔係必然架,要順利過渡,並唔係坐係到等架,要做好多準備功夫,好似香港回歸咁,都係各界齊心協力,由八四年中英談判開始,傾到九七,先搞掂,可以順利過渡,我地身體亦都係一樣,你要過渡得順利,你就要做野,你就要準備好。

咁要準備d乜野呢? 首先就係調暢情志,即係要處理好自己既情緒問題,女人係感性既動物, 佢地既情緒波動係比男人西利既,係更年期既時候呢,就更加容易出現問題喇, 大家睇落去係咪覺得女人同男人係某程度上的待遇係唔公平呢? 但係上天有好生之得,可能上天知道女人所付出的比佢得到既少,所以賜左幾樣專利比佢地,而哩d專利,用得其所,可以幫到女人調暢好情志,宣泄情緒, 延年益壽tim. 哩幾項專利就係編織啦,嘮叨啦,八掛啦等等,唔好睇少哩D少事呀, 女人之所以比男人長命都係靠哩D小事既作用。

編織:

好多女性都有編織毛衣的習慣,婦女在編織過程中,唔單止將對老人的孝心,對丈夫的情義,對仔女的母愛都織入毛之中,與此同時,仲將身心的健康編織其中,在紡織中,雙手的指,掌,及手臂啦,肘關節等所有關節,骨骼,肌肉,筋腱參與左運動,俗言話,手巧心靈,手指同心係經絡上係互相關連既,手指疼痛可以痛到入心,所謂十指疼歸心,同樣地,當手指做到靈活巧妙既時候,我地既心所主既神明亦都會得到充養而精明,係現代醫學上,手指的運動對腦細胞,腦神經構成良性刺激,從而有益大腦的保健,而為左令到編織的圖案新穎大方,必然要動腦設計,咁樣,就會激發人的思維,變得更敏捷,更靈活,更具嚴密的邏輯性,有延緩大腦衰老,預防老人痴呆症既發生.

嘮叨:

十個女人,九個都愛嘮叨的,哪怕係 “雞毛蒜皮”既一d小事,女人往往都會嘮叨個沒完沒了,嘮叨,雖然嘮叨起上來,老公同d仔女都會幾難頂架,但對女人來講呢,哩個係心理保健既 “安全門”架,點解咁講呀,女性,由於天性使然,佢地觀察問題,料理家務,處理事情中,往往表現得細心,細致,周到. 對於佢地認為睇唔慣,唔滿意,唔放心既野呢,成日都會不加思索咁嘮嘮叨叨一番,嘮叨,就好似女性心坎裡面既一度安全保險掣,若果心裡頭積住d不暢快既事情時候,利用佢及時釋放,及時渲泄,就可以獲得心情上的舒暢同埋心埋上的平衡

侃大山:

即係吹水,所謂三個女人一個墟,幾個女人行埋一堆,就會有講唔完既話題喇,哩樣活動,隨左係一種生活情趣之外,亦都係健康養生之道,大家或者會有咁既體會,當你自己中心有某d郁結憂愁難以排解時,搵個人 “生”下,朋友既同情,慰藉,安撫,勸解,疏導,往往會令你 “茅塞頓開”,心情舒暢, 你知啦,現代社會既生活節奏快,人既心理壓力自不然增大,即係你有壓力,我都有壓力, 同時生活中無時無刻都充斥著各種予盾,生活既道路往往又唔係一帆風順wor, 遺憾呀,委屈呀, 坎坷呀, 周不時都會出現,如果任由哩一d情緒因素積壓係心底裡面, 就會慢慢情緒不穩,血壓升高,心律失常,經絡唔通, 血流不暢, 陰陽難以平衡, 特別係更年期階段, 氣血水平開始下降, 就更加容易損害健康喇, 所以上左年紀既, 唔好怕醜,多d同人傾下計,

咁對生理,心理上既平衡,增強免疫功能都極為有益處


更年期養生法-通膽經 + 食療(一)

中醫看男女差別:

世間上的一切事物,最根本就是由陰同陽好考妙咁組合而成,哩D事物,包括有生命既,無生命既,都可以用陰陽去概括,人亦都係一樣,雖然有所謂一樣米養百樣人,其實歸根究底,就只有兩種人,分別係男人同女人,就好似中醫道生一,一生二,二生三,三生萬物,盡管世間上既萬物包羅萬有,但歸根究底,都係由陰陽演化出來既, 係陰陽層面上,男人屬陽,女人屬陰, 所以男人好動,女人好靜,男人係剛強,女人溫柔,男人主外,女人主內, 通過男同女諸事上既協同,才能造就出和階的家庭,進而造就出和階既社會,

一般來講,女人的功勞都係屬於靜態既,係默默耕耘型既,雖然看上去女人所作出既貢獻好似好平凡咁,但係如果缺少左哩個角式既哩一份貢獻,一個社會要想做到理想和階就好難達到喇,

我用一個好簡單既例子去講明白哩個道理, 比如我地渣筷子, 睇落去好似只有動的那一隻在起到作用,但試想下, 如果缺少了靜的哩一隻既配合,成唔成事呀,唔成事囉,所以係哩個例子上,就可以睇到女人既重要性

盡管女人係咁重要,扮演著咁重要既角式,但係男人同女人的既待遇有著好大既分別,

哩到既待遇既意思我主要放係身體上講,由於女性多左個子宮,所有野都改變哂,身體上面既哩個特殊性,影響到女人無論係生理心理同病理上都出現一D男人唔會遇到既問題,

生理上差別

係生理上面,女人要承受住一種同十級痛楚相等既痛,就係生BB的痛楚,而佢地有半生都要做一樣令自己身體失血既事情,導致女人都係比男人係體質上,氣力上始終係弱D既, 咁係病理方面,女人既生理結構既特殊性亦令佢地係每一個身體既轉換期,變化階段都會比男人有著更大更敏感既變化。


特別係更年期既時候, 變化就更明顯喇,而當佢太過明顯既時候,從而出現一系列症狀,甚至影響正常的生活的程度,現代醫學將佢歸納為更年期綜合症既範疇。

相信更年期哩個詞無人係未聽過既,有d人甚至乎已經經歷左,或者係經歷緊,但係我敢相信,絕大部分人對更年期哩樣野,係非常害怕既,甚至係聞風色變,面對更年期,好似世界末日咁,喇,其實哩d恐懼既出現,都係機於普遍人對更年期認識不足所致,人云亦云,有見及此呢,我想到,利用多少篇幅,同大家簡單咁探討下更年期同人既關係,點樣去正確理解自己的身體,從而尋找出一種最適合自己身體的方法去過渡更年期。

好,我地開始,所謂名不正則言不順,要名正言順,就必須正其名,我地要認識更年期,就必需從根本上去認識,何謂更年期呢,其實更年期係人體一個必需要渡過的階段,唔單止係女人,男人一樣有,只不過由於身體構造既差異性同特殊性呢,令女性過渡更年期既時候感覺比較突出,從而較比人關注。所以我今日講關於更年期既問題,主要係圍繞住女性更年期去探討架,


首先我地對女性更年期做一個正確既定義先:女性更年期是從生殖功能旺盛向老年性衰退過度的階段,又稱圍絕經期。

(包括絕經前期、絕經期和絕經後期。絕經前期一般從40—45歲開始,可持續1—12年,平均3—4年。絕經期是以絕經前最後一次月經為標誌,停經達到一年以上,則最後一次月經為絕經,多數婦女在44—54歲間絕經。絕經後期指絕經後至生殖功能完全消失的階段 ,一般是從絕經到59歲,約持續5一l0年…。現代研究表明,更年期的變化包括兩方面:一是卵巢功能衰退,體內雌激素水平下降所直接產生的影響 ;另一方面也有機體老化的變化。)

 


鄒嘉宏中醫師
註冊中醫
油麻地窩打老道40號寶翠大樓4字樓1室
Tel:28895696
chowclinic@hotmail.com


活力健康產品專門店 Hicare Co.
訂購Tel : 2111 3735 , 2366 9623 , hicare@hicare.com.hk
www.hicare.com.hk , www.hicare.hk
尖沙咀山林道23號15/F全層 (佐敦地鐵站D出口) (太湖海鮮城斜對面)
星期一至五: 10am - 7:00pm 星期六: 10am - 6:00pm . 歡迎光臨選購(只收現金)
港九新界工商業大廈: 購物滿 $100元,免費送貨。住宅、學校、醫院:購物滿 $300元,免費送貨。(偏遠地區除外)
Copyright@Hicare Co. 2002-2012. All rights reserved.


進入實景地圖
  精選換購優惠
 
  日韓精選護膚品
 
Hicare特惠套裝
 
品牌分類
 
 

 

紐西蘭健康產品
New Zealand

 
麥蘆卡蜂蜜
蜂蜜保健品
蜂膠保健品
蜂皇漿
 
有機產品系列
海產保健品
植物保健品
動物保健品
護膚外用品
不然染髮系列
不然染髮系列
 
肌膚護理
腸胃護理
關節修護
心臟血管保健
兒童保健品
女士保健品
  -----
安眠保健品
活力補充品
 
-----
蜂蜜潤唇膏
 
-----
按摩器
 
-----
壓力

結婚回禮

-----
醫學共振音樂


肩頸按摩器



暑期繪畫創作比賽


活力BB比賽2010


 


顧客在點收貨品後現金付款。
若對貨品不滿,可以即時退回,
無需付任何費用。
(只收現金,不設找續,請自備輔幣)



免費送貨、貨到付款。
港九新界工商業大廈:
購買產品滿 $100元。

住宅、學校、醫院:
購買產品滿 $300元。(特定及偏遠地區需另加運費)


(速遞只收現金,不設找續,請自備輔幣)

( 結婚回禮蜜糖/果醬,需要自取,若送貨服務,需另加運費 )

facebook
facebook